புதாதித்ய யோகம்

    புதனும் ஆதித்தன் என்னும் சூரியனும் இணைந்து  லக்கினத்திற்கு 1-4-8-ல் இருந்தால் புதாதித்ய யோகம் அமையும், புதன் நக்கோள்களில் மிகவும் சிறிய கிரகம் இவர் சந்திரனின் புதல்வன் ஆவார்.
          புதன் வலிமைபெற்றவர் முக்கியப் பிரமுகராக விளங்குவார். அரசாட்சி, பொது மக்கள் தொடர்பு மற்றையோரைக் கவருகின்ற ஆற்றலைப் பெறுவார்.மனோசக்தி புத்திக் கூர்மையாகவும், சிறந்த பேச்சாற்றல், இரட்டை அர்த்தம் நிறைந்த சொற்களைப் பிரயோகிப் பவராகவும் தடையில்லாமல் பேசுவராகவும்.நகைச்சுவைப் பேசுவர், பிறர் செய்வதை அப்டியே உடன் செய்வர்கள்  .
      புதனது சஞ்சாரம் சூரியனை ஒட்டியே அமைந்திருக்கும் .ராசியில் சூரியனுக்கு அருகில் உலவிக் கொண்டிருப்பதால் ஒளி குறைந்தே காணப்படும்.புதன் ஒருவரே 8-ல் இருக்கும்போது நற்பலனைத் தருவர். எந்த வீட்டிலும் சுப பலத்துடன் இருந்தால் அவரால் நலங்கள் விளையும் இவர் சூரியனுடன் சேர்த்து ஒரே ராசியில் இருக்கும் போது புதஆதித்திய  யோகம் உண்டாகும்.
    சூரியன், புதன் ஆகியோரின் பலம், ஆதிபத்திய விசேஷம், சுபர்களின் இணைவு, பார்வை ஆகியவற்றின் தன்மையைப் பொறுத்துப்பலன்கள் அளவு கூடவோ குறையவோ செய்யும்.
     சூரியனுடன் குறிப்பிட்ட பாகையில் புதன் இணைந்திருக்கும் போது அஸ்தமனம் ஏற்படும். அஸ்தங்கத் கதியில் இருக்கும் புதன் நற்பலன்கள் தருவர்.என்றாலும் பாதிப்பு இராது.
    புதனுக்கு வக்கிரகதி ஏற்படுவதுண்டு வக்கிரத்தில் உள்ள கிரகங்கள் உச்ச பலத்தை தரும்  என்று ஒரு சாராரும் வக்கிரகதியில் உள்ள பாபக் கிரகங்களுக்கு உச்ச பலம் ஏற்படும். என்று மற்றோரு சாராரும் கூறுவர் புதன் வக்கிரகதியில் இருந்தால் மனக்குழப்பம் தருவர்.புதனும் சூரியனும் இணைந்தால் ஜோதிடத்தில் வல்லுனராவர், வானவியல், வேதசாஸ்திரம், ஞானம் உண்டாகும். சிறந்த விஞ்ஞானியாகவும், எஞ்சினீயர், சட்டவல்லுனர், அனைவரும் பாராட்டுவார்கள்.
      வளர்சந்திரன், குரு, சுக்கிரன் பார்வை இணைவு சிறப்பைத்தரும்.சனி, ராகு, கேது இணைவு பாதிப்பைத்தரும்.பாபக்கிரக இணைவு பார்வை இல்லாமல் இருப்பது அவசியம்.
     மேஷம், மிதுனம், சிம்மம், கன்னி, ஆகிய லக்கினங்களில் பிறந்தவர்களுக்கு மட்டுமே சிறப்பகா முழுமையாக பலன் தரும் என்று கிரகந்தங்களில் சொல்லப்பட்டுள்ளது.

பாரப்பா ஈரிண்டு தனில்யிரு நான் கொன்றில்
      பகருகின்ற பகலவனும் புந்தி கூடில்
சீரப்பா நிதி கருமன் கண்ணுற்றாலும்
          நிலத்தின் நல்ல பூபதி போலிருப்பான் காளை
கூறப்பா குதிரைகளுங்காடியுண்டு
         கொற்றனேயே வலாள் மெத்தவுண்டு
ஆரப்பா அயிஸ்வரியம் மெத்த வாழும்
      அப்பனே ராசியோட பெலத்தால் கூறே
        லக்கினத்திற்கு 1-4-8-ல் சூரியனும்,புதனும்  இணைந்து 9-10-ஆம் அதிபதிகள் பார்த்தால் ஜாதகர் /ஜாதகிக்கு சிறப்புடன் இந்த உலகில் புகழ் பெற்று பெருஞ்செல்வந்தனாக இருப்பர்கள். வாகனம், பூமி லாபம், அரசுவகையில் அதயாம், உயர்ந்த பதவி அமையும். ஜாதகத்தினை நன்றகா ஆராய்ந்து கூறவும்.

கதிரோடு மதிமகன் சேர்ந்து - நல்ல
கனமுள்ள நாளிலுமிரு நாளிலொன்றில்
பதிநிதி பனையுமேயுண்டு சென்மன்
பாக்கியவானென்று பகர்ந்தாண்டித் தோழி
       சூரியனும் புதனும் இணைந்து 1-4-8-ல் பலமுடன் இருந்தால் ஜாதகர் /ஜாதகிக்கு பொன், பொருள், பூமீ புகழ் சுக பாக்கியங்கள் கிடைக்கும்.

கதிரோடு புந்தி கூடிகளித்திட உதித்த மாந்தர்
நிதி மிகப் படைத்தோரர் மற்றும் நீதியில் பிறழார்
நதி நலம் படைந்தோர் எங்கும்  மாபுகழ் பெற்றோர்
        சூரியனுக்கு புதனும் இணைந்து பலமுடன் இருந்தால் ஜாதகர் /ஜாதகிக்கு சொல்வாக்கு செல்வம் படைத்தவர், தவறான வழியில் செல்லமாட்டார். நல்ல சிந்தனையும், புகழும் அடைவர்கள்.

"ப்ராக்ஞோ பகுப்பாவி கபீநாங்கக் சூரவல்ல
                                                                    போபீதிமான்
லக்நேபுதவஸ்கர யோர்தீரக்கயுஸ்ஸம் வேத்புருஷ்
     லக்கினத்தில் சூரியனும் புதனும் இருந்தால் அறிவுடையவர்கள், அழகாய் பேசுபவர்கள் உடல் பலமுடன் இருப்பார்கள், வீரன், தீர்க்கமான சிந்தனையுடையவர்கள் தீர்க்கயுள் உள்ளவர்கள்.

விளையும் புதனும் சூரியனும் விரும்பி எட்டில் நான்கு ஒன்றில் வளையக் கூடின் மன்னவனாம்
        புதனும் சூரியனும் 1-4-8-ல் இணைந்திருந்தால் பலம் பெற்றிருந்தால் ஜாதகர் /ஜாதகி சுகபோக வாழ்வு அமையும்.
     இனி பன்னிரண்டு  லக்கினங்களுக்கு புதன், சூரியன் இணைந்து அமையும் நிலைகளை கண்போம்.



மேஷம்  : -
                 லக்கினத்தில் பிறந்தவர்களுக்கு 3-6-ஆம் அதிபதியாகி ஆதிபத்திய விசேடமற்று இருந்தாலும்  3-6-ல் இருக்கும்போது தன் சுயபலத்தின் அடைபயில்
நற்பலன்களைத்தருவர் .
              1-3-5- ல் அல்லது 6 ஆம் இடங்களில் யோகம்.அமையப் பெறுவது நல்லது.
    1ல் சூரியன் உச்ச பலம் பெறுகிறார். யோகம் சிறப்படையும். 5-ல் அமைந்தால் சிறப்படையும்.
              3-ல், 6-ல் புதன் ஆட்சி பலம் பெறுகிறார். ஜாதகர் /ஜாதகி சுய முயற்சியில் பணக்காரர் ஆவார்கள் சுக வாழ்வு அமையும் .
          அஸ்தங்கம் பெறாமலிருக்க வேண்டும். புத ஆதித்திய யோகபலனை அடைவர்கள்.
      மேஷ லக்கினத்திற்கு  4-8-ல் புதன் பலம் குறைந்து காணப்படும். 8-ல் சூரியன் பலம் குறையும்.5-ஆம் அதிபதி 8-ல் நலம் தருவதில்லை.
    ராகு,கேது,சனி, இணைவு,பார்வை இருந்தால்  நலம் தருவதில்லை .

ரிசபம்  : -
               லக்கினத்தில் பிறந்தவர்களுக்கு சூரியன் 4-ஆம், புதன் 2-5-ஆம் அதிபதி ஆகிறார். இதனால் 2+4, 2+5, 4+5- ஆகிய அதிபர்களின் சேர்க்கையாகிறது. இந்த சேர்கையால் தனயோகம், மாகயோகம், வித்யா யோகம் அமையும்.
      சூரியன், புதன் இணைந்து 2-5-4-7-10-ல் இருந்தால் நற்பலன்களின் அளவு கூடும். 11-ல் இருந்தால் நீச்சபங்கம் பெற்றால் சிறப்பைத்தரும். அந்தந்த இடத்து ஆதிபத்திய விசேடங்களை பொறுவர்கள்.
    10 ல் சனி வீட்டில் சூரியன் நலம் தராது.

மிதுனம்  : -
                   1-4+3-ஆம் அதிபதி இணைவு நலம் தரும் .3-ல் பல சுக போக வாழ்வு அமையும்.
1-4-ல், 10-ல் இருப்பது நலம் தரும்.

கடகம் : -
            இந்த யோகம் ஏற்படுமானால் சிறப்பைத் தரும். சூரியனும், புதனும் 2-3-10-ல் அமைந்தால்
சிறப்பன யோகம் தரும்.திறமைசாலிகள், சிந்தனையுள்ளவர்ககள் .சங்கீதத்தில் வல்லவர்கள், வழக்கறிஞர், அரசியல்வாதி, உயர் பதவி கிட்டும்.        

சிம்மம்  : -
                 இந்த யோகம் அமைந்தால் சூரியன் லக்கினாதிபதி, புதன் 2-11-ஆம் இணைந்தால் சிறப்பான பலன்கள் ஜாதகர்கு அமையும்.
4-ல் அமையும் போது வித்யாபலம் கூடும். 10-ல்  அமையும் போது உயர்ந்த பதவி அமையும். 9-ல் அமைந்தால் உயர்ந்த பதவி அந்தஸ்து அடைவர்கள்.
  8-ல் அமைந்தால் சிறப்படையாது.

கன்னி : -
              லக்கினக்காரர்களுக்குப் புதன் லக்ன, கரும ஸ்தானாதிபதி சூரியன் விரயாதிபதியும். இருவரும் இருப்பின் விசேடமான நற்பலன்கள்
குறையும். 4-ல், 7-ல், 10-ல் அமைவது சிறப்பைத் தருவர்கள். 8-ல் அமைவது நலம் தருவதில்லை.

துலாம்  : -
                லக்னக்காரர்களுக்குப் புதன் 9-12-ஆம் அதிபதி, சூரியன் 11 ஆம் அதிபதியாகவும், அதேநேரத்தில் பாதகாதியாகவும் ஆகிறார். பாதகாதிபதியுன் கூடியிக்கும் புதன் எவ்வித நன்மையை ஜாதகருக்கு  உண்டு பண்ண முடியும்? என்றாலும் 9-11-ஆம் வீட்டுக்குடையவர்கள் ஒன்று கூடி இருந்தால் இந்த நிலையைக் கவனிக்கும்போது இச்சேர்க்கையால் ஒரளவு நற்பலன்கள் கிட்டும் வாய்ப்புள்ளது. இச்சேர்க்கை 7-9-11-ஆம் இடங்களில் அமையப்பெறுவது நல்லது 4-ல் சூரியன் இருந்தால் பலம் குறையும் நற்பலன் கிட்டாது. 8-ல் புதன் சூரியன் இணைந்து இருந்தால்  நற்பலன்கள் ஏற்படாது.
    3-6-10-ல் அமைந்தால் ஆதித்ய யோகம் அமைந்தால் நன்மைகள் அதிகம் ஏற்ப்படும். வெற்றியும், சிறந்த அந்தஸ்தும்  கிட்டும்.

விருச்சிகம் : -
           லக்கினத்திற்கு புதன் 8-11 ஆம் வீடுகளுக்கு அதிபதி அவர், சூரியன் 10-ஆம் அதிபதி அவர் 6-10-11-ல் அமைந்தால் யோகம் சிறப்படையும்.சிறந்த வியாபாரியாகவும். சுய தொழிலில் சிறப்பும். அனைவரால் புகழப்படுவர்கள். சிறந்த ஆராய்ச்சியாளர்கள்.

தனுசு  :-
             லக்கினத்திற்கு புதன் 7-10-ஆம் அதிபதி, சூரியன் 9-ஆம் அதிபதி இவ்விருவரின் இணைவு ராஜயோகத்தை தருவர்கள்.
   புதனுக்கு கேந்திராதிபதித்திய தோஷம், பாதகதிபத்திய தோஷம் உள்ளதால் 5-9-10-ல் இருந்தால் சிறப்பன யோகம் தரும்.கல்வி, புகழ்,  அரசியல், லாபங்களும்.பூர்வீக வகையில் நன்மையும் கிட்டும்.

மகரம் : -
           லக்கினத்திற்கு புதன் 6-9-ஆம் அதிபதி, சூரியன் எட்டாம் அதிபதி 6-8-11-ல் இருந்தால் சிறப்பன பலனைத்தரும். விபரீத ராஜயோகம் அமையும் .தொழிலில் மேன்மையும், அரசியில் பதவியும்.செல்வாக்கும், சட்டத்துறையில் மதிப்பும் கிடைக்கும்.

கும்பம் : -
              லக்கினத்திற்கு புதன் 5-8 -ஆம் அதிபதி, சூரியன் 7-ஆம் அதிபதி 3-6-10-ல் இருந்தாலும் சிறப்பன யோகம் தரும்.அரசியலில் பெரிய பதவி, செல்வாக்கும், சட்டசபைத் தலைவர்கள், நீதிபதி பதவி கிட்டும்.

மீனம் : -
           லக்கினத்திற்கு புதன் 4-7-ஆம் அதிபதி, கேந்திராதிபத்திய தோஷம், பாதகதிபத்திய தோஷம் பாதிப்பை தருவர்.சூரியனுக்கு 6-ஆம் அதிபதி இணைந்துதிருந்தால் 2-4-6-10-ல் இருந்தால் சிறப்புடன் அமையும்.உயர்ந்த அந்தஸ்தும், பதவி கிட்டும்.

      சூரியன் புதன் இவர்களை பார்க்கும் கிரகங்களின் நிலை, ஆதிபத்திய விசேடம் ஆகியவற்றைக் கொண்டு பலனைச் சீர்தூக்கி பார்க்க வேண்டும்.

    புதன் பலம் குறைந்திருப்பவர்கள், நுண்ணறிவுத் திறன் குறையப் பெற்றிருப்பவர்கள், மனக்குழப்பம், அடைவர்கள், நுரையீரல், சிறுநீரகம், நரம்புத்தளர்ச்சி, ஜீரண உறுப்புகளின் கோளாறு, உடல் நலம் பாதிக்கும்.

      சூரிய பலம் குறைந்திருப்பவர்கள் ஆன்மபலத்தை இழப்பார்கள். இதயம் தொடர்பான நோய்கள் ஏற்ப்படும். நிர்வாகத்திரன் குரையும்.